કૃષિ બજારો બંધ નહીં થાય, MSP ની વ્યવસ્થા પહેલાની જેમ જ ચાલુ રહેશે: PM મોદી

નવી દિલ્હી: વિધાનસભા ચૂંટણી પહેલા જ બિહારને મસમોટી ભેટ સોગાદો મળી રહી છે. પ્રધાનમંત્રી નરેન્દ્ર મોદીએ આજે બિહારને લગભગ 14 હજાર કરોડ રૂપિયાની ભેટ આપી. પીએમ મોદીએ 9 હાઈવે પ્રોજેક્ટ્સની સાથે બિહારના લગભગ 46 હજાર ગામડાઓને ઓપ્ટિકલ ફાઈબર નેટવર્ક સાથે જોડવા માટે ઘર સુધી ફાઈબર યોજનાનું ઉદ્ધાટન કર્યું. આ પ્રસંગે પીએમ મોદીએ કહ્યું કે આ પ્રોજેક્ટ્સ માટે હું બિહારને શુભેચ્છાઓ પાઠવું છું. આ બિહાર માટે મોટો પરંતુ સાથે સાથે ભારત માટે પણ ખુબ મોટો દિવસ છે. ભારતને આત્મનિર્ભર બનાવવાની શરૂઆત બિહારથી થઈ રહી છે. એક દિવસ બિહારના 45 હજાર ગામડાઓને ઓપ્ટિકલ ફાઈબર સાથે જોડવામાં આવશે. આ અવસરે પીએમ મોદીએ નવા કૃષિ બિલો જે સંસદમાં પાસ થયા તેના વિશે પણ ખેડૂતોને ખાતરી આપી અને કહ્યું કે MSP વ્યવસ્થા ચાલુ જ રહેશે. કૃષિ બજારો ખતમ થશે નહીં.